मोर अँगनैया

बावरी बयार बाँचे

आगी लागी बगिया.

जोहे जोहे  बाट जे

बिलम गयी अँखिया .

सुरज धनक गये

झुलस गयी भुँइया.

दुबकी दुपहरी

बरगद के छैंया .

गौरैया,

ले रे बलैया,

मोर अँगनैया.

चप चप कंचुकी

चिपक गयी अँगिया.

छुइमुइ छतिया

सरम गयी सखियाँ.

मोंजरे अमवा के

पतवा पतैया.

टपके पसीनवा

चट चट चटैया.

गौरैया,

ले रे बलैया,

मोर अँगनैया.

पिआसे परान फाटे,

उमस कसैया.

पनघट तरसत

ताल तलैया.

जिअरा जोआर जारे

हिअरा हुकार मारे.

सगरो गोहार करे

आव पुरवइआ.

गौरैया,

ले रे बलैया,

मोर अँगनैया.

सागर हिलोरा ले

घटवा अकोरा ले.

घन घरसन करे

मेघ बरसइआ.

चेतन जगत भयो

हरी हरीअइआ.

गुलशन गुलज़ार

चहके चिरैया.

गौरैया,

ले रे बलैया,

मोर अँगनैया.